Fær Ísland nýja kennitölu?

Ég hlusta á allt það efni sem ég kemst yfir í Icesave umræðunni. Ég les allt það efni sem ég get um Icesave. Það virðist vera allveg sama hvort verður skrifað undir eða ekki báðir kostirnir eru vondir. Mér líður eins og einhver standi hér fyrir aftan mig og láti ískalt vatn renna niður eftir bakinu á mér. Er hægt að breyta kennitölu Íslands? Fá bara nýja. Það var gert í Ivesave málinu gamblað með kennitölur og farið var í allar holur sem fundust til að græða. Hvað segja fróðir menn um þetta? Er hægt að breyta kennitölunni?

 

Athugasemdir

[Anna Andulka, 21.6.2009 kl. 13:01]

Þetta er góð hugmynd Clinton. Auðvitað eigum við almenningur að eiga sama rétt og fyrirtæki útrásarvíkinganna, að setja bara upp nýja kennitölu og allt það gamla hverfur!  Stendur ekki í Biblíunni: Sjá, það gamla hverfur, allt verður nýtt? Varla hefur himnasmiðurinn búist við að það sem yrði nýtt yrði það að almenningur sem tók engan þátt í þessum darraðadansi skyldi bera þungar skuldir á herðum sér og færa þær yfir til komandi kynslóða.  En útrásarvíkingarnir hafa sennilega hvort sem er aldrei lesið Biblíuna og vita því ekkert af þessari setningu. Þeir hafa bara gert það sem þeim sýnist og hjá þeim varð siðrof.

[Erna Margrét Ottósdóttir, 21.6.2009 kl. 13:05]

Þetta er líklega fær leið. Látum á það reyna. Við höfum hvort sem er engu að tapa.